In die tweede BOBBOB-avontuur wil Tumi desperaat die Goudrand-rugbyspan haal. Hy is vinnig, maar kan nie goed vang nie. In Pretoria oefen hy en De Wet onder die jakarandas, tot hulle die tweede ploemplafsteen ontdek en vir BOBBOB ontmoet! Die drie vriende beland in ’n Gauteng-avontuur van Gold Reef City tot Loftus.

BOBBOB se ruimteskip stort bo Suid-Afrika neer. Tydens die impak breek 9 ploemplafstene van sy skip af en beland elk in ‘n ander provinsie. BOBBOB kan slegs terugkeer na sy planeet nadat hy al nege stene kon vind. Hy skandeer die Kalahari en sien ’n meerkat. Hy besluit om sy Ploemplafiaanse tegnologie in te span en die vorm van die meerkat aan te neem! En so begin BOBBOB die robo-meerkat se avonture deur Suid-Afrika . . .