Wanneer BOBBOB se ruimteskip reg bokant Suid-Afrika neerstort, beland hy in die Kalahari. Tydens die atmosferiese impak het 9 ploemplafstene van sy ruimteskip afgebreek, met ‘n steen wat in elk van die provinsies beland het. BOBBOB kan slegs terugkeer na planeet Ploemplaf indien hy al nege stene opgespoor het. Hy span sy tegnologie in om die vorm van ‘n meerkat aan te neem om by die onbekende Suid-Afrikaanse omgewing in te pas. En so begin BOBBOB die robo-meerkat se avonture deur Suid-Afrika . . .

In Boek 2 wil Tumi desperaat die Goudrand-rugbyspan haal. Hy is vinnig, maar kan nie goed vang nie. In Pretoria oefen hy en De Wet onder die jakarandas, tot hulle die tweede ploemplafsteen ontdek en vir BOBBOB ontmoet! Hulle beland in ’n Gauteng-avontuur van Gold Reef City tot Loftus. Sal BOBBOB kan sorg dat Tumi die span haal?