Toe Nandi alleen by haar au pair, Millie, in ‘n spoggerige gastehuis in die Addo Olifantpark agterbly, raak dinge opwindend toe sy ‘n ronde, turkoois ploemplafsteen optel. BOBBOB is op sy vierde sending en is heel verbaas dat aardse Slurpslorpe nie kan skaatsplank ry nie. Met sy vermoë om Olifants te verstaan, skop ʼn nuwe, modderige avontuur in die Oos-Kaap af! Die olifantpaar Maksimus en Mambo gee vir Nandi antwoorde wat boeke nie het nie. BOBBOB leer ook gou dat hierdie aardbewoner in ’n rolstoel nie toelaat dat moeilike dinge haar keer om haar drome na te jaag nie.