Ruben Lambrechts en sy gesin is oor die wêreld heen bekend vir hulle Namibiese plaaswerf waar ‘n verskeidenheid wilde diere dolgelukkig saam met die gesin woon. Meerkatte, grondeekhorings, vlakvarke, ystervarke en Cindy die bobbejaan kan kom en gaan soos hulle wil. Die diere is nie troeteldiere nie en bly nie in hokke nie. Ontmoet die oulike meerkatte Minki en Jerry, vlakvarke of “Kalahari Walkie Talkies” Betsie en Bennie en Cindy die bobbejaan – op 30 jaar oud Ruben en sy tweelingbroer se “ousus” – in hierdie boek met ses stories vir kinders. Foto’s en illustrasies sorg vir volkleur-dieremanewales op elke bladsy!