Stadsjapie Dennis verhuis saam met sy ouers na ‘n afgeleë padstal in die Drakensberge. Tannie Freek, die eienaar, is ‘n eksentrieke vrou wat ook ‘n unieke klompie diere op die plaas aanhou – soos ‘n vlakvark genaamd Barbie en twee volstruise. Maar die vreemdste van almal is ‘n grys wolf genaamd Bruno wat glad nie in Suid-Afrika behoort te wees nie. Wanneer die knorrige buurman se alpakkas dood gevind word, word Bruno blameer en begin mense weer fluister oor die legende van ‘n “Wolfmens” in die berge. Snags is daar ‘n geheimsinnige gehuil wat Dennis wakker hou . . . En dan ontdek hy ‘n ou selfoon in sy kamer met ‘n ysige boodskap: As jy hierdie sms kry, wil ek jou waarsku. Dinge by die padstal is nie soos dit lyk nie. Hy moet die waarheid ontrafel voordat wat ook al in die donker skuil nog ‘n slagoffer eis . . .

‘n Grillerige avontuur perfek vir dapper lesers wat nie bang is vir die donker nie!