Topverkoper Louisa Holst is terug met nog ‘n treffer propvol watertandgeregte, wat in ‘n japtrap in jou lugbraaier gemaak kan word. Dié keer neem Louisa die lugbraaier op ’n toer van die staatmakers in jou inkopiemandjie. Wors, hoender, vis, maalvleis, steak, tjops, vrugte en groente kry elk ’n beurt – natuurlik met ’n eg Suid-Afrikaanse kinkel (hoe dan anders?). Smul aan breyani-hoenderslaai, stokvis-en-jalapeño-gebak, volstruissosaties, shisanyama-steak, varktjops met geroosterde chakalaka en nog baie meer. Hier’s jou pad na ’n smaaksensasie – met elke ete, so maklik soos nóú. En daardie ietsie soets om mee af te sluit? Ontspan, hier is vele verleidelike nageregte, almal met heerlike vrugte.